ഒന്നര രൂപക്കൊരു ചിത്രം..

എന്റെ അവസാനത്തിൽ ഞാനൊരു ചിത്രം വരക്കും...

ആരും ഇത്‌ വരെ കണ്ട് കാണാൻ വഴിയില്ലാത്ത
ഭൂമിയിലെ ഏറ്റവും വികൃതമായ ചിത്രം..

ആ ചിത്രത്തിന് വിയർപ്പിന്റെ മണമായിരിക്കും..

രക്തത്തിന്റെ നിറമായിരിക്കും..

ഛർദ്ദിലിന്റെ രുചിയായിരിക്കും..

മരിച്ചവരുടെ തണുപ്പായിരിക്കും.. 

മരണത്തെ വശീകരിക്കുന്ന ആ ചിത്രത്തിന് ഞാനെന്റെ ജീവിതത്തിന്റെ പേരിടും..

എന്നിട്ടത് ഞാൻ ഒരു ഒന്നര രൂപക്ക് വിൽക്കും..